Í garðyrkjustöðinni að Gilsbakka á Flúðum ræktar Árni Magnús Hannesson m.a. íssalat.  Árni hefur náð umtalsverðum árangri í ræktuninni þrátt fyrir rysjótta tíð og óvenjuleg árferði.  Sl. sumar notaði hann svartan dúk til útplöntunar í og akrýldúk yfir plönturnar og reyndist það mjög vel.  Svarti dúkurinn heldur niðri illgresi og eykur hita bæði í jarðvegi og í kringum plönturnar meðan á vexti stendur.  Prófun Árna var styrkt af aðlögunarfé grænmetisframleiðenda.  Hér má finna nánari upplýsingar um verkefnið:  Niðurstöðuskýrsla

Mikið er flutt inn til landsins af íssalati á hverju ári, yfir 1100 tonn og því alveg ljóst að nægur markaður er fyrir hendi fyrir íslenskt íssalat.

Myndin af íssalatinu er frá Garðyrkjustöð Ingibjargar Sigmundsdóttur