Reglur um fánarönd Sambands garðyrkjubænda
Garðyrkjubændur eiga sameiginlegt vörumerki sem er fánarönd Sambands garðyrkjubænda. Stefnt er að því að allar íslenskar garðyrkjuafurðir beri þetta merki. Tilgangurinn er að neytendur geti auðveldlega þekkt íslenskt ræktaða vöru og aðgreint hana frá innflutningi. Með því að öll aðildarfélög SG nýti sér þetta sameiginlega merki styrkja þau íslensku framleiðsluna, hvert annað og sjálf sig um leið. Grænmetisbændur hafa nýtt sér fánaröndina síðustu árin með góðum árangri og hafa nú kartöflu-, blóma- og garðplöntubændur ákveðið að merkja einnig sína framleiðslu með röndinni. Að undanförnu hefur Sambandið lagt í töluverðan kostnað við að semja reglur og leiðbeiningar um notkun fánarandarinnar. Hafa reglurnar nú verið sendar öllum garðyrkjubændum í landinu. Þeir bændur sem vilja nota röndina fá til þess skriflegt leyfi endurgjaldslaust og þurfa að skrifa undir samkomulag um notkunina.
SG vill undirstrika þau verðmæti og þau tækifæri sem þetta sameiginlega merki felur í sér. Þegar allir/flestir ræktendur hafa tileinkað sér notkun á þessu sameiginlega merki er ætlunin að fræða neytendur enn frekar um röndina og benda á hvernig auðvelt er að finna íslenskt ræktuðu vöruna á sölustöðum á fljótlegan hátt. Með þessu verður sem sé einfaldara og öruggara fyrir neytendur að þekkja íslensku framleiðsluna frá innflutningi.
Hér má finna reglur og leiðbeiningar um notkun fánarandarinnar.
Garðplöntur: Samningur um afmörkuð viðskipti
Garðplöntur: Samningur um opin viðskipti
Garðplöntur: Viðskiptaskilmálar
Aðlögunarsamingur: Umsóknareyðublað